因為舊Diary已經Full 左...所以要開一個新既A/C! 新日記, 新開始!

不久之前, 見到Phoebe 個Xanga打左佢生命中既九十九件事, 我覺得好有意思, 所以我決定打我既101件事....作為我既新開始!                                             

1. 1986年1月28日係我出生既大日子, 當時既我處身於瑪嘉烈醫院  
2. 我有一位好爸爸, 佢為人好老實, 生氣時會有很威嚴; 輕鬆時卻很幽默風趣                        
3. 記得有次在電視上看到梁家仁, 嚇了一跳, 再望望Daddy, 他們很相像呀   
4. 我Mummy好惡, 雙子座性格, 不過點都好, 我知道佢既原意都係為我好
5. 小時候我喜歡親近Mammy, 就連佢返工, 我都唔願意比佢走....   
6. 家姐...佢好靚, 不過又真係唔錯...而且佢有好多朋友仔
7. 但係我就經常同家姐嘈交, 打交...哈哈...或者可以幫我地增進感情
8. 自小我就一直住0係順緻苑, 間屋係屬於祖父母
9. 我亦有試過表兄弟姊妹一齊住, 當時我地成日一齊玩, 生活好快樂
10. 而我同表哥特別熟落, 常常手拖手, 佢好照顧我, 但常常比我家姐欺負
11. 有次一大班人玩啤牌, 因為輸唔起, 所以扮眼訓唔玩, 最後比佢地取笑左我好耐
12. 小時候既花名: 薇mei, 盈盈, 盈盈姑, 鍾慧盈
13. 又比祖母D 朋友話我似 日本妹, 其他親戚又話我似陳淑蘭
14. 然後...我 3 歲開始返青揚幼稚園
15. 返學搭吳太既褓姆車, 原來佢就住0係我祖父母家既樓下個單位
16. 到左5歲到, 就搬去將軍澳寶林村住
17. 到左中班有一日, 前一晚實在玩得太夜, 所以第二朝早唔想返學, 但係我都同平時一樣去等車返學。但係當架車到達既時候, 我一支箭咁走左去, 圍住坐大廈走左個圈, 而我Mammy又跟住我走左個圈...然後先乖乖走上車....吳太知道左我因為唔夠訓..所以話到學校叫醒我..咁我先乖乖訓覺 
18. 又一次, 我記得老師讚我乖, 比左枝波板糖我, 再叫我派比乖既同學
19. 哈哈..仲係中班, Mammy見家長同班主任講話我仲食手指, 聽到老師叫我唔好再食... 我之後都唔敢再食lu
20. 仲有, Mammy有次為左煲水沖奶比我飲, 然後帶我走左去朋友家, 就係咁釀成一場火警, 都係我唔好>_<
21. 童年時, Mummy幫鄰居湊小朋友, 那時有一大班朋友仔陪我玩
22. 偶然會去鄰居鄧Auntie到玩, 認識到Grace姐姐同Gigi姐姐
23. Heehee..同家姐一齊趁DaddyMummy出街偷屋企D零食..
24. 記得Mummy打家姐既時候, 我無啦啦陪家姐一齊喊
25. 到左高班既遊戲日, 因為好想Mummy 來學校接我放學, 所以我就扮腳痛,於是老師打電話比Mummy, Mammy即刻搭的士去學校再帶我去睇醫生...一共花左$200呀~ 好昂貴....而我都好內疚
26. 到左幼稚園畢業, 全班第一, 老師比我揀份禮物, 仲叫我要坐直D
27. 高班開始學琴, 起初覺得自己幾有天份, 但係因為 懶惰, 所以最後學到中二就荒廢了
28. 然後, 因為家姐讀GHS, 所以我就跟住佢升讀德望學校
29. 開學後, 認識到第一位朋友就係Phoebe, 佢坐我隔離, 企我隔離架
30. 佢讀書好叻, 以前我記得默書次次一百分, 仲得到默書獎～佢好友善架, 我成日打電話問佢功課, 而且我地家姐原來係識
31. 另外, 搭盧叔既褓姆車, 認識到Lilian, Carrie&Winnie,..可惜而家無聯絡喇
32. 我地成日用司機叔叔既買馬或者買六合彩既彩票玩Bingo～
33. 小學一年級頒獎典禮, 我奪得 5 個獎呀~~好開心
34. 二年級, 去睇醫生做小手術切除雞眼, 我既叫喊聲震驚全場, 嚇親人...Haha..不過真係好痛架..雖然已經打左麻醉藥
35. 0個時Mammy話會之後買雪糕比我食, 我話要食雪條, 咁我就無喊lu
36. 小二既班主任好惡架～好怕...但係估唔到...佢學期尾讚我乖, 送左個聖誕花圈比我同另外一位同學
37. 同年, 搬左去將軍澳既頌明苑, 間屋好 "的色"架
38. 到左三年級, 第一年做班長呀～但係表現就唔係咁好..多謝Miss Chan
39. 去左Amy 生日Party, 佢DaddyMummy叫我同佢一齊切蛋糕, 因為我地大家都係一月生日
40. 哈哈...那年係我第一年0係杏花村既麥記開生日會, 我邀請左好多同學, 同親戚黎玩呀～
41. 開始左同同學傾電話既習慣..日傾夜傾
42. P.4 又可以同Phoebe一班喇～仲有Carrie&Clarabelle, 我地因為再次同班熟落左好多..仲有通信呀~
43. 班主任Miss Li 好疼錫我地, 成日送禮物比我地架
44. 我同佢通信, Heehee..暗地裡投訴同學, 講自己既心事
45. 有位同學同講過一句話: 你當人地係寶, 人地當你係草咋, 真係好深印象
46. 學校陸運會, 出乎意料之外被Miss Li 選中參加跳遠
47. 小四可能因為學校生活非常開心, 所以全級第三名, 好難得呀～ 學費只需要比大半ja...
48. 祖父比左五百蚊獎勵我
49. 0個年暑假, Phoebe 邀請我去佢美孚屋企既生日會呀～!!^^ 好好玩架我記得
50. 有樣好傻既想法, 就係聽到個預言之後, 就成日擔心世界末日=.=
51. 我以前成日發Daddy Mummy脾氣, 覺得好後悔呀...Sorry

好啦... 明天待續～～～～